Amanat Prabu Sri Baduga Maharaja ti Pakuan Pajajaran
Keur Andika anu kiwari keur luminjing di lelemah Siliwangi! Anu silanglanlang dina babantar Parhiyangan, Yen henteu merenah nyebutkeun dirina terah Sunda, upama masih kaancikan opat sipat paharaman.
Reungeukeun! Regepkeun!
Ulah wani-wani andika ngaku turunan Sunda, upama masih kaancikan pasipatan babarian..teu ceehan, teu payaan, gembangan jeung borangan.
Ulah wani-wani andika nyebut turunan Sunda, upama masih boga pangadatan sok pundungan, elehan..ngeplek jawer ngandar jangjang, risi ku bisi rempan ku beja, humayua ninggalkeun pakalangan bitotama.
Ulah wani-wani andika nyebut turunan Sunda, upama masih miboga kabiasaan sok luh-lah, humandeuar...asor diri, heureut ku sateukteuk, lemer-hengker tanpa daya, hirup ngan ngarepkeun diawur batur.
Jeung ulah wani-wani andika ngaku turunan Sunda, upama masih boga kabiasaan sok kukulutus, beungeut nyanghareup ati mungkir...henteu panceg pamadegan, embung akur reujeung dulur, taya sudana parasea marebutkeun bebeneran.Malah pibalukareunana pikukuh ti karuhun yen ari hirup kudu silih asih-
silih asah- silih asuh bakalna ngan saukur jadi kacapangan wungkul.
Tidak ada komentar:
Posting Komentar